2026 йил 1 ноябрдан пенсионерларга банк картаси очиш хизматлари Face ID орқали кўрсатилади. 2027 йил 1 апрелдан эса пенсия ва бошқа тўловларни пенсионерларнинг банк карталари ёки мобил иловалардаги электрон ҳамёнларига ўтказиш тартиби жорий этилади.
Шунингдек, 2027 йилдан I ва II гуруҳ ногиронлик пенсияларини қайта ҳисоблашда фуқаронинг III гуруҳ ногиронлик пенсиясини олган давридаги иш стажи ва иш ҳақи ҳам ҳисобга олиниши бўйича тартиб ишлаб чиқилади.
2027 йил 1 февралдан имтиёзли пенсияларни тўлаш харажатларини қоплаш учун Пенсия жамғармасига маблағларни ҳар ой ўтказиш тизими йўлга қўйилади.
1 ноябрга қадар эса имтиёзли шартларда пенсияга чиқиш ҳуқуқини берувчи махсус иш стажи даврлари ҳақидаги маълумотларни Ягона миллий меҳнат тизимида шакллантириш имконияти яратилади.
