2021 yilning oktyabr oyida Oʻzbekiston va Turkiya markaziy banklari oltin xarid qilish boʻyicha yetakchi boʻlib olgan. Bu haqda Kitco xabar berdi.
Maʼlum qilinishicha, oktyabr oyida Oʻzbekiston Markaziy banki 8,7 tonna oltin xarid qilib, ketma-ket beshinchi oy yuqori koʻrsatkichni qayd etgan.
“Bu yil boshidan buyon sof 37 tonna oltin sotib oldi, umumiy zaxirasi esa 399 tonnani tashkil etdi”, – deyiladi xabarda.
Turkiya markaziy banki oʻtgan oy 9 tonna oltin sotib oldi va yil boshidan beri sof xaridlarni 103 tonnaga oshirdi. Mamlakatning umumiy zahiralari 498 tonnani tashkil etdi.
Jahon markaziy bankining oltinga boʻlgan talabi uchinchi chorakda uch barobar oshdi. Butunjahon Oltin Kengashi (WGC) maʼlumotlariga koʻra, jahon banklari iyuldan sentyabrgacha boʻlgan davrda rekord darajadagi 400 tonna qimmatbaho metal sotib olgan.
