Twitterʻning yangi rahbari Ilon Mask dushana kuni kompaniyaning bir qancha xodimlarini ishdan boʻshatishi mumkin. Bu haqda Bloomberg xabar berdi.
Qayd etilishicha, Mask bu safar savdo va sheriklik bilan shugʻullanuvchi xodimlarni ishdan boʻshatishi kutilmoqda.
Manbada aytilishicha, Mask xodimlarga ish vaqtini oshirish boʻyicha ultimatum qoʻygan. Agar natija koʻngildagidek boʻlmasa, u xodimlar sonini qisqartirishini maʼlum qilgan.
Juma kuni amerikalik milliarder sotuv va sheriklik boʻyicha masʼul boʻlim rahbarlaridan qoʻl ostidagi xodimlar sonini qisqartirishni soʻragan. Biroq ular bundan bosh tortgani bois, ishdan boʻshatilgandi.
