Twitter kompaniyasi oʻz ofislarini 21 noyabrga qadar yopishga qaror qildi. Bu haqda Business Insider xabar berdi.
Manbada aytilishicha, barcha xodimlarga xat yuborib, unda kompaniya ofislari vaqtincha yopilgani haqida xabardor qilingan. Kompaniya ofislari 21 noyabrdan qaytadan ishga tushishi kutilmoqda.
Taʼkidlanishicha, xuddi shunday choralar kompaniyani tadbirkor Ilon Mask sotib olganidan soʻng kompaniyadagi qisqartirishlarning birinchi toʻlqini vaqtida ham koʻrilgan.
“Har bir xodimning, shuningdek, Twitter tizimlari va foydalanuvchi maʼlumotlarining xavfsizligini taʼminlash maqsadida bizning ofislarimiz vaqtincha yopiladi, ruxsatnomalarni oʻtkazish toʻxtatiladi”, — deyiladi xabarda.
Maʼlumot uchun, Mask yaqinda kompaniyaning koʻplab xodimlarini ishdan boʻshatgan. Qolgan xodimlarga ikki taklifni bergan. Yaʼni, “uzoq soat va yuqori intensivlik bilan” ishlash kerakligi haqida ogohlantirgan.
