Oʻzbekiston va Pokiston oʻrtasida tez orada aviaqatnov yoʻlga qoʻyiladi. Bu haqda Oʻzbekiston turizm va madaniy meros vaziri Aziz Abduhakimovga tayanib, “Radio Pakistan” xabar berdi.
Abduhakimovning taʼkidlashicha, toʻgʻridan-toʻgʻri reyslarning yoʻlga qoʻyilishi iqtisodiyot va turizm sohalarida ikki tomonlama aloqalarning mustahkamlanishiga xizmat qiladi. Oʻzbekiston va Pokiston oʻrtasidagi aviaqatnovlar bosqichma-bosqich yoʻlga qoʻyiladi.
Manbada aytilishicha, birinchi bosqichda Samarqanddan Lahorga reyslar qoʻyiladi. Ikkinchi bosqichda Karachi va Islomoboddan Oʻzbekistonning boshqa shaharlariga parvozlar yoʻlga qoʻyiladi.
