Yevrokomissiya hududdagi zararli chiqindilarni kamaytirish va havo sifatini yaxshilash maqsadida yengil avtomobillar, yuk mashinalari va avtobuslar uchun Yevro-7 yangi standartini taklif qildi. Bu haqda “Gazeta.ru” xabar berdi.
Qayd etilishicha, yangi qoidalar yengil va mikroavtobuslarga, shuningdek, yuk mashinalari hamda avtobuslar kabi transport vositalariga nisbatan qoʻllaniladi.
Yevro-7 standarti 2035 yilga kelib transport vositalaridan azot oksidlarining umumiy emissiyasini sezilarli darajada kamaytiradi: yengil avtomobillar uchun Yevro-6ga nisbatan 35% ga; Yevro-6 ga nisbatan avtobuslar va yuk mashinalari uchun 56% ga.
Shuningdek, avtomobilning tormoz va shinalar, shu jumladan elektr transport vositalarining qattiq zarralari bilan atrof-muhitni ifloslanishiga ham cheklovlar oʻrnatish boʻladi.
Yangi qoidalar avtomobillar narxini 90 dan 150 yevroga, yuk mashinasini esa 2700 yevrogacha oshirishi mumkin.
