Davlat statistika qoʻmitasi 9 noyabr holatiga koʻra hududiy markaziy dehqon bozorlarida oʻtkazilgan kuzatuv natijalari boʻyicha alohida turdagi oziq-ovqat mahsulotlarining minimal-maksimal narxlarini maʼlum qildi.
Maʼlum boʻlishicha, bozorlarda suyakli mol goʻshtining bir kilogrami 49 ming 500 soʻmdan 78 ming soʻmgacha sotilyapti. Qoʻy goʻshtining 1 kilogrami 58 mingdan 91 ming soʻmgacha, kartoshka (1 kg) 2 ming 800 soʻmdan 6 ming soʻmgacha, piyoz (1 kg) 2 mingdan 5 ming soʻmgacha baholangan.
Boshqa mahsulotlarning narxi quyidagicha:
- Sabzi (1 kg) 1,5–5,5 ming soʻm;
- Tuxum (10 dona) 9–16 ming soʻm;
- Guruch (1 kg) 5–26 ming soʻm;
- Oʻsimlik yogʻi (1 l) 16,5–30 ming soʻm;
- Shakar (1 kg) 12–17 ming soʻm.
