Turkiyada 2023 yil 1 yanvardan boshlab “Yashash joyi soligʻi”ni joriy etish toʻgʻrisidagi qonun kuchga kiradi. Bu maʼlumotni Turkiya Respublikasi Moliya va gʻaznachilik vazirligi rasman tasdiqladi, deya xabar bermoqda “Tengritravel.kz”.
Qayd etilishicha, “Yashash joyi soligʻi” sayyohlardan oʻzi yashayotgan mehmonxona hududida koʻrsatilayotgan barcha xizmatlarning 2 foizi miqdorida soliq undirilishini koʻzda tutadi.
Shuningdek, mehmonxona, kurortlar mehmon uyi va boshqa joylar hududlarida koʻrsatilayotgan barcha xizmatlar uchun ham yigʻim undiriladi. Hujjat matnida qayd etilishicha, mamlakatga kirib kelgan turistlar toʻlovni roʻyxatdan oʻtish vaqtida amalga oshirishlari kerak.
Avvalroq Yaponiyada soliq tushumlarini oshirish maqsadida yoshlarning alkogolli ichimliklarga targʻib qiluvchi tanlov oʻtkazilishi haqida xabar qilingandi.
