Саудия Арабистони Украинага 400 миллион доллар гуманитар ёрдам ажратади. Бу ҳақда Saudi Press агентлиги хабар бермоқда.
Маълум қилинишича, 14 октябрь куни Саудия Арабистони валиаҳд шаҳзодаси Муҳаммад бин Салмон Ал Сауд Украина президенти Владимир Зеленский билан телефон орқали мулоқат қилди. Нашрнинг анилик киритишича, Украина раҳбари шаҳзодага инқирозни ҳал қилишда воситачилик ҳаракатларини давом эттираётгани учун миннатдорчилик билдирган.
Зеленский билан суҳбатда Муҳаммад бин Салмон Ал Сауд Саудия Арабистони кескинликни пасайтиришни қўллаб-қувватлаши ҳамда у можарони ҳал қилишда воситачи бўлишга тайёрлигини билдирди.
