Tesla компаниясининг 2022 йилги сунъий интелект бўйича йиллик тадбирида компания бош директори америкалик миллиардер Илон Маск Optimus гуманоид роботининг прототипини намойиш этди. Бу ҳақда «Bloomberg» хабар берди.
Бизнесменнинг таъкидлашича, роботнинг бозордаги нархи 20 000 минг доллар атрофида бўлади. Робот тақдимот пайтида саҳнани айланиб чиқди, залдаги томошабинларга «қўли»ни силкитди ҳамда ноодатий хатти-ҳаракатлар кўрсатишга уринди.
Шунингдек, тадбирда Optimus’нинг Tesla заводида қутиларни кўтариб, гулларни суғораётгани ва баъзи буюмларни кўчираётгани акс этган видео ҳам намойиш этилди.
Компания вакилларининг сўзларига кўра, Tesla Optimus роботи 2,3 кВт/соат қувватга эга аккумулятор билан жиҳозланган. Бу эса роботнинг тўлиқ бир кун ишлаши учун етарлидир. Батарея роботнинг қовурға қафасида жойлашган бўлиб, унинг хусусияти аккумулятор ва унинг ишлаши учун зарур бўлган барча электроникани бир бирликка бирлаштиришдир.
Қайд этилишича, Optimus роботида батареяларини тезда ўзгартириш имконияти ҳам мавжуд.
