Давлат статистика қўмитаси озиқ-овқат маҳсулотлари импортида юқори улушга эга бўлган маҳсулотлар бўйича маълумот берди.
Маълумотларига кўра, Ўзбекистонга 2022 йилнинг январь-июнь ойларида озиқ-овқат маҳсулотларидан энг кўп буғдой импорт қилинган. Ушбу маҳсулотдан 375,4 миллион АҚШ доллари қийматида Ўзбекистонга олиб келинган.
Озиқ-овқат импортида юқорида улушга эга бўлган қолган маҳсулотлар қуйидагилар:
- Шакарқамиш — 185,3 миллион АҚШ доллари;
- Маргарин маҳсулотлари — 156 миллион АҚШ доллари;
- Қорамол гўшти — 98,6 миллион АҚШ доллари;
- Буғдой уни — 63,4 миллион АҚШ доллари;
- Картошка — 55,5 миллион АҚШ доллари;
- Какао ва шоколад — 53 миллион АҚШ доллари;
- Сут маҳсулотлари — 38 миллион АҚШ доллари;
- Болалар учун озиқ-овқат маҳсулотлари — 35 миллион АҚШ доллари;
- Банан — 26,5 миллион АҚШ доллари;
- Чой — 23 миллион АҚШ доллари;
- Парранда гўшти — 22 миллион АҚШ доллари;
- Маккажўхори — 21 миллион АҚШ доллари;
- Кофе — 15 миллион АҚШ доллари;
- Қандолат маҳсулотлари — 12,5 миллион АҚШ доллари.
Аввалроқ Ўзбекистон озиқ-овқат импортида энг кўп улушга эга 10 та давлат бўйича маълумот берилганди. 2022 йилнинг январь-март ойларида озиқ-овқат маҳсулотлари импортида юқори улушга эга бўлган ҳамкор давлатлар рўйхатида Қозоғистон етакчилик қилган.
