Fitch xalqaro reyting agentligi Ukrainaning uzoq muddatli emitent defolt reytingini CCCʻdan Cʻga (defolt oldi) tushirdi. B haqda “Kommersantʼ” nashri xabar bermoqda.
Qaror Kiyevning kreditorlar bilan davlat qarzi boʻyicha toʻlovlarni ikki yilga kechiktirish haqida muzokaralar olib borish rejasi bilan bogʻliq. Agentlik Ukrainani reytingda RD (cheklangan defolt) darajasiga tushirishni ham istisno etmayapti.
Fitchʻning hisoblashicha, Ukraina oʻz hududida harbiy harakatlar davom etayotgani sabab davlat qarzini “kengroq restrukturizatsiya” (qarzni qaytarish shartlari (kredit foizlari, miqdori, toʻlash shartlari va boshqalar)ni qayta koʻrib chiqish) qilishi kerak boʻladi. Agentlik urush 2023 yilgacha davom etishi mumkinligini taxmin qilmoqda va “muzokaralar yoʻli bilan kelishuvga erishishga ishonch juda past” deya baholayapti.
“Tomonlarning qaysidir biri maqsadlariga erishish uchun yetarlicha harbiy ustunlikka ega boʻladimi yoki yoʻqmi, hozircha nomaʼlum”, deyiladi Fitch materialida.
Agentlik maʼlumotlariga koʻra, Ukrainaning davlat qarzi 2022 yilda 48 foizga oshib, YAIMning 92 foizini, 2023 yilda esa 103 foizni tashkil etadi. Fitch 2022 yilda Ukraina iqtisodiyoti oʻttiz uch foizga pasayishini taxmin qildi.
Mamlakatning YAIM oʻsishi 2023 yilda 4 foizni tashkil etishi kutilmoqda. 2022 yil oxiriga kelib inflyatsiya 30 foizgacha koʻtarilishi mumkin.
Fitch fevral oyi oxirida Rossiyaning Ukrainaga hujumi boshlanganidan soʻng Ukrainaning reytingini Bʻdan CCCʻga tushirgan edi.
Avvalroq S&P Ukrainaning uzoq va qisqa muddatli kredit reytinglarini pasaytirgan edi. Agentlik Ukrainaning xorijiy valyutadagi uzoq va qisqa muddatli kredit reytinglarini pasaytirdi. Uzoq muddatli reyting V- dan (moliyaviy majburiyatlar bajarilgan) SSS+ ga (toʻlovlarni amalga oshirmaslik xavfi) tushirildi.
Bloomberg maʼlumotlariga koʻra, agentlik shkalasi boʻyicha mamlakat Argentina va Mozambik bir xil reytingga ega. Qisqa muddatli reyting B dan C ga tushirilgan (defolt xavfi yuqori).
Bundan bir hafta oldin esa Moodyʻs Investors Service ham Ukrainaning kredit reytingini Caa3 — eng past darajaga tushirgandi.
