Oʻzbekiston Davlat statistika qoʻmitasi tomonidan hududiy markaziy dehqon bozorlarida oʻtkazilgan kuzatuv natijalari boʻyicha alohida turdagi oziq-ovqat mahsulotlarining minimal-maksimal narxlari eʼlon qilindi.
Maʼlum boʻlishicha, 2022 yil 1 iyun holatiga bozorlarda alohida turdagi oziq-ovqat mahsulotlari quyidagi narxlarda sotilgan:
- suyakli mol goʻshti (1 kilogramm) — 45 ming–75 ming soʻm;
- qoʻy goʻshti (1 kilogramm) — 55 ming–88 ming soʻm;
- kartoshka (1 kilogramm) — 2 ming–7 ming soʻm;
- piyoz (1 kilogramm) — 2 ming–5500 soʻm;
- sabzi (1 kilogramm) — 1200–6 ming soʻm;
- tuxum (10 dona) — 7000–15 ming soʻm;
- guruch (1 kilogramm) — 5 ming–22 ming soʻm;
- oʻsimlik yogʻi (1 litr) — 15 500–30 ming soʻm;
- shakar (1 kilogramm) — 10 ming–18 ming soʻm.
Avvalroq Shavkat Mirziyoyev narxlarni sunʼiy ushlab turib, bu masalada koʻzboʻyamachilik yoki ura-urachilikka yoʻl qoʻyib boʻlmasligini aytgandi.
Shuningdek, Iqtisodiy taraqqiyot va kambagʻallikni qisqartirish vazirligi Oʻzbekiston bozorlarida shakar narxining oshishi yuzasidan tushuntirish bergandi.
Shakar boʻyicha bunday holat faqatgina Oʻzbekiston hududida kuzatilmayapti. Qozogʻistonda ham shakar taqchilligi tufayli Chimkentdagi “Raxat” zavodi ishlamayapti, ayrim shirinliklar ishlab chiqarish toʻxtatilgan.
