Oʻzbekiston Davlat statistika qoʻmitasi tomonidan hududiy markaziy dehqon bozorlarida oʻtkazilgan kuzatuv natijalari boʻyicha alohida turdagi oziq-ovqat mahsulotlarining minimal-maksimal narxlari eʼlon qilindi.
Maʼlum boʻlishicha, 2022 yil 1 iyun holatiga bozorlarda alohida turdagi oziq-ovqat mahsulotlari quyidagi narxlarda sotilgan:
- suyakli mol goʻshti (1 kilogramm) — 45 ming–73 ming soʻm;
- qoʻy goʻshti (1 kilogramm) — 55 ming–86 ming soʻm;
- kartoshka (1 kilogramm) — 3 ming–8 ming soʻm;
- piyoz (1 kilogramm) — 2 ming–6 ming soʻm;
- sabzi (1 kilogramm) — 2 ming–7 ming soʻm;
- tuxum (10 dona) — 6500–15 ming soʻm;
- guruch (1 kilogramm) — 4,5 ming–21 ming soʻm;
- oʻsimlik yogʻi (1 litr) — 15 500–28 ming soʻm;
- shakar (1 kilogramm) — 9 ming–14 ming soʻm.
Avvalroq Shavkat Mirziyoyev narxlarni sunʼiy ushlab turib, bu masalada koʻzboʻyamachilik yoki ura-urachilikka yoʻl qoʻyib boʻlmasligini aytgandi.
Shuningdek, Toshkent shahrida qolipli non narxi keskin koʻtarilish kuzatildi. Monopoliyaga qarshi kurashish qoʻmitasi tomonidan qolipli non narxi boʻyicha tezkor oʻrganishlar oʻtkazildi.
Unga koʻra, qolipli non narxi Toshkent shahrida eng yuqori — 2800 soʻm, Qashqadaryoda viloyatida eng past — 1650 soʻm, respublika boʻyicha oʻrtacha narx esa 2250 soʻm ekani aniqlangan.
