Бухоро шаҳридан Туркиянинг Истанбул шаҳрига мунтазам авиақатновлар йўлга қўйилади. Бу ҳақда Uzbekistan Airways матбуот хизмати хабар берди.
Қайд этилишича, 2022 йил 15 майдан бошлаб Uzbekistan Airways Бухоро–Истанбул–Бухоро янги халқаро йўналиши бўйича мунтазам авиақатновларни йўлга қўяди.
Парвозлар ҳафтада икки марта — пайшанба ва якшанба кунлари амалга оширилади.
Авиачипталарни авиакомпаниянинг расмий сайтидан, Uzbekistan Airways Sales филиалидан ёки авиакомпания агентларидан харид қилиш мумкин.
Аввалроқ Тошкент–Минеральние Води–Тошкент халқаро йўналиши бўйича парвозлар сони оширилишини маълум қилинганди.
