Markaziy bankning Kadrlar bilan ishlash departamenti boʻlim boshligʻi Madina Tatayeva vafot etdi. Bu haqda bank matbuot xizmati xabar berdi.
“Oʻzbekiston Respublikasi Markaziy banki jamoasi Markaziy bankning Kadrlar bilan ishlash departamenti boʻlim boshligʻi Tatayeva Madina Ilyosovnaning bevaqt vafoti munosabati bilan oila aʼzolari va yaqinlariga chuqur hamdardlik bildiradi”, deyiladi xabarda.
Qayd etilishicha, Madina Tatayeva 25 yildan ortiq vaqt davomida Markaziy bankda faoliyat olib borgan.
“U jonkuyar, fidoyi va talabchan, hamkasblari orasida alohida hurmat qozongan inson edi. Madina Ilyosovnaning yorqin xotirasi hamisha kasbdoshlari qalbida yashaydi”, deya taʼziya bildirgan Markaziy bank.
Avvalroq Fanlar akademiyasi akademigi, Oʻzbekiston madaniy merosini oʻrganish, asrash va ommalashtirish boʻyicha Butunjahon jamiyati ilmiy kengashi raisi Edvard Rtveladze vafot etgani haqida xabar berilgandi.
