Rossiyada 2022 yil ishsizlik birinchi chorakka nisbatan ikki baravar oshishi va soʻnggi 10 yil ichida birinchi marta 9 foizdan yuqorilashi mumkin, deya prognoz qilmoqda tahlilchilar.
Taʼkidlanishicha, ish oʻrinlari soni taxminan 2 millionga qisqarishi mumkin.
“Bu [Rossiyada] islohotlar boshlangan va zavodlar yopilgan 1990-yillarning boshlarini eslatadi”, — dedi iqtisod fanlari doktori, professor Yevgeniy Gontmaxer.
Qayd etilishicha, 2022 yil oxirigacha mamlakatda 2 millionga yaqin ish oʻrni qisqartirilishi mumkin va 2023 yilgacha vaziyat yaxshilanmaydi.
Mehnat bozoridagi inqiroz ish haqining kamayishi, xodimlarni toʻliq boʻlmagan ish kuniga oʻtkazish yoki ularni maosh toʻlanmaydigan taʼtilga yuborishda ifodalanadi.
Moskva makroiqtisodiy tahlil va qisqa muddatli prognozlash markazi maʼlumotlariga koʻra, mart oyida boʻsh ish oʻrinlari fevral oyiga nisbatan 20 foizga kamaydi, eng keskin pasayish esa Moskva va Sankt-Peterburgda kuzatildi.
