2022 yil 1 mart holatiga koʻra, Oʻzbekistonning oltin-valyuta zaxiralari 35 milliard 360 million dollarni tashkil etib, yanvar oyiga nisbatan 935,3 million dollarga oʻsdi. Bu haqda Markaziy bank maʼlumotlarida soʻz boradi.
Zaxiralar, asosan, 20,9 milliard dollarga teng oltin va 13,07 milliard dollarga teng xorijiy valyutalardan iborat.
Maʼlum boʻlishicha, Oʻzbekiston yalpi xalqaro zaxiralari 2022 yil boshidan 221,4 million dollarga yoki 0,6 foizga oshgan. Bunda oltin narxining yil boshidagi 1799,25 dollardan 1903,3 dollargacha oʻsishining taʼsiri 1,1 milliard dollarni tashkil qilgan.
