Ўзбекистондаги ташқи хатарларни минималлаштириш бўйича кўрилаётган қўшимча чоралар доирасида тижорат банкларига бир қанча имтиёзлар берилмоқда. Бу ҳақда Марказий банк маълум қилди.
Тижорат банкларига жорий йилнинг 1 июлига қадар:
- чакана операциялар бўйича валюта курсларини белгилашда валюта биржасида колл аукцион натижасида шаклланган валюта курсидан фойдаланиш имконияти берилди;
- тижорат банклари томонидан аукционларда харид қилинадиган Марказий банк облигациялари бўйича фоиз ставкалари даражаси асосий ставканинг юқори чегарасигача кенгайтирилди;
- икки ҳафталик депозит аукционлари бўйича лимитлар бекор қилинди.
Асосий ставкани кўриб чиқиш бўйича Марказий банк бошқарувининг навбатдаги йиғилиши 2022 йил 21 апрель кунига белгиланган.
