Prezident Shavkat Mirziyoyev 16 mart kuni Davlat soliq qoʻmitasiga tashrif buyuradi. Bu haqda Prezident matbuot xizmati xabar bermoqda.
Qayd etilishicha, Prezident qoʻmita binosidan soliq maʼmurchiligini isloh qilish va sohaga axborot texnologiyalarini keng joriy etish masalalari yuzasidan yigʻilish oʻtkazadi.
Shuningdek, davlat rahbari qoʻmitaning yangi tashkil etilgan Maʼlumotlarni qayta ishlash markazi faoliyati bilan tanishadi.
