Yevropa Ittifoqi Rossiyaga qarshi yangi sanksiyalar tayyorlamoqda. Bu haqda Bloomberg xabar berdi.
Maʼlumotlarga koʻra, Yevropa Ittifoqining baʼzi cheklovlari 8 martda tasdiqlanishi mumkin. Shuningdek, sanksiyalarning yangi paketi portlar va kemalarning ularga kirishiga cheklovlarni oʻz ichiga oladi.
Bundan tashqari, sanksiyalarga duchor boʻlgan shaxslar roʻyxati kengaytirilishi, shuningdek, harbiy sohada qoʻllaniladigan texnologiyalarning yanada cheklanishi kutilmoqda.
Taʼkidlanishicha, Bryussel cheklovlarni chetlab oʻtish uchun kriptovalyutadan foydalanishning oldini olish maqsadida ularga sanksiyalar qoʻllanilishini kuchaytirish ustida ishlamoqda.
Avvalroq PwC va KPMG kompaniyalari Rossiyani tark etishi xabar qilingandi. Shuningdek, Oleg Tinkov jamoatchilikdan uni “oligarx” deb atamaslikni soʻragani haqida xabar berildi.
