Атлантика океанида Volkswagen гуруҳига тегишли 4 мингга яқин автомобилни олиб кетаётган Felicity Ace юк кемасида катта ёнғин чиқди. Бу ҳақда Bloomberg хабар бермоқда.
Юк ташувчи кемадаги 4 мингта автомобилнинг барчаси ёниб кетди, улардан мингдан ортиғи Porsche автомобиллари бўлган. Шунингдек, Volkswagen, Bentley, Audi ва Lamborghini моделлари ҳам ёнган.
«Бундан ташқари, электромобиллар учун мўлжалланган литий-ионли аккумуляторлар ҳам ёниб кетди. Кема у четидан бу четигача ёнмоқда, шунингдек, сув линиясидан беш метрча узоқликда ҳамма нарса ёнмоқда», — деди Felisiti Ace капитани Жоао Мендес Кабекас.
The Verge’нинг хабар беришича, мутахассислар зарарни камида 150 миллион долларга баҳоламоқда, бироқ автомобиль ишлаб чиқарувчсиининг ўзи бу тахминни айтишдан бош тортди.
/cdn.vox-cdn.com/uploads/chorus_image/image/70525838/_1x_1.0.jpg)
Felisiti Ace Германиядан АҚШнинг Род-Айленд портига кетаётган бўлган. Кемадан юк палубаларидан бирида ёнғин чиққани ҳақида сигналлар кела бошлаган. Натижада барча 22 экипаж аъзоси эвакуация қилинган.
