Telegramʻning oʻzbekistonlik foydalanuvchilari orasida bank kartasidan pul oʻgʻirlanishiga olib keladigan firibgarlik hiyla-nayrang tarqalmoqda. Bu haqda Telegram Uzbekistan xabar berdi.
Quyida firibgarlik jarayoni qanday kechishi haqida soʻz boradi.
Firibgarlik sxemasi №1:
- Firibgar foydalanuvchi eʼlonga qoʻygan tovarni goʻyoki xarid qilish uchun foydalanuvchi bilan bogʻlanadi.
- Eʼlondagi narxga rozi boʻladi (yoki savdolashadi va baribir narxga rozi boʻladi).
- Click orqali toʻlashini (yoki shunday toʻlashga gapni olib keladi) aytadi.
- Toʻlovni amalga oshirganligi haqida xabar beradi va foydalanuvchiga goʻyoki kartasiga pul mablagʻi qabul qilinishi uchun havola yuboradi.
- Foydalanuvchi oʻz karta maʼlumotlarni kiritadi va katta ehtimollik bilan undagi mablagʻdan ayriladi.
Firibgarlik sxemasi №2:
- Firibgar soxta Click (shunday ism va logotipga ega) profilidan foydalanuvchi bilan bogʻlanib, goʻyoki foydalanuvchi pul mukofotini qoʻlga kiritgani haqida xabar beradi.
- Foydalanuvchi pul mukofotini olishi uchun unga havola yuboradi.
- Foydalanuvchi oʻz karta maʼlumotlarni kiritadi va katta ehtimollik bilan undagi mablagʻdan ayriladi.
Nima qilish kerak:
- Profilga spam sababi boʻyicha shikoyat yuboring va uni bloklang.
- Doʻstlaringizni firibgarlik haqida ogohlantiring.
- Firibgarning maʼlumotlariga ega boʻlsangiz, huquqni muhofaza qilish organlariga xabar bering.
- Har qanday harakatdan oldin agar shubhangiz boʻlsa @TeleUzRobotʻdan maslahat soʻrang.
Nima qilmaslik kerak:
- Havolani ochmang.
- Bank kartasi maʼlumotlari va boshqa shaxsiy maʼlumotlarni kiritmang.
- Telegramʻdagi Click tizimining rasmiy resurslari
Telegram kanal: @click_uz.
Telegram bot: @clickuz.
