Skoda компанияси сўнгги авлод Fabia хэтчбекининг янги модификацияси — Monte Carlo версиясини эълон қилди. Бу ҳақда «Коммерсантъ» хабар берди.
Дизайн эскизларига кўра, автомобиль қорайган оптика, қора кузов декорацияси, махсус ғилдираклар ҳамда салонда қора ва қизил спорт акцентлари, углерод толали безак, янги руль ва ўриндиқлар билан жиҳозланади.
Қайд этилишича, Skoda линиясидаги Monte Carlo версияси 2011 йилда пайдо бўлган. Машҳур пойга мусобақасига бағишланган версияда Skoda Scala хетчбеки ва Skoda Kamiq хэтчбеклари таклиф этилган.
Аввалроқ Skoda компанияси Enyaq Coupe iV электр кроссоверини тақдим этгани хабар қилинганди. Шунингдек, Skoda компанияси янгиланган Karoq кроссоверини тақдим этгани ҳақида хабар берилди.
