Toshkent shahri boʻylab elektr energiyasida uzilish kuzatildi. Chilonzor, Olmazor, Bektemir, Mirobod, Shayxontoxur, Yunusobod, Yashnobod tumanlarida umuman elektr yoʻq.
Uzilishlar tufayli Toshkent metropolitenida ham chiroq oʻchgan.
“Toshkent shahrining barcha hududlarida elektr energiyasi oʻchganligi sababli Toshkent metropolitenining barcha yoʻnalishlarida vaqtinchalik metro harakati toʻxtadi. Nosozlik bartaf etilganidan soʻng Toshkent metropoliten yoʻlovchilarga doimiy jadval asosida xizmat koʻrsatishni davom ettiradi”, — deyiladi xabarda.
Manbalarga koʻra, Oʻzbekistonning bir qancha hududlari, xususan Toshkent viloyatida ham uzilish kuzatilmoqda.
