Ўзбекистонда Аи-80 маркали автомобиль бензинининг биржадаги нархи пасайди. Бу ҳақда республика товар-хом ашё биржаси матбуот хизмати хабар берди.
Маълум қилинишича, Ўзбекистон республика товар-хом ашё биржасида 8 январь куни эрталабки сессияда ўтказилган биржа савдо натижаларига кўра, АИ-80 маркали автомобиль бензинининг нархи маҳсулотнинг бир тоннаси учун 7 миллион 474,4 минг сўмни ташкил қилган. Бу 7 январдаги нархга нисбатан 6,3 фоизга арзондир.
Қайд этилишича, АИ-80 маркали автомобиль бензиннинг биржадаги нархи литрга ўтказилганда маҳсулотнинг бир литри тахминан 5700 сўмни ташкил қилади.
Шунингдек, биржа савдоларига АИ-80 маркали автомобиль бензини сотувчи корхоналар томонидан барқарор равишда биржа савдоларига қўйиб борилаётгани маълум бўлди.
Аввалроқ Ўзбекистон товар-хом ашё биржасида суюлтирилган газнинг кунлик ўртача нархи тушгани хабар қилинганди. Шунингдек, Ўзбекистон энг кўп бензин импорт қилаётган давлатлар ҳақида хабар берилди.
