Oʻzbekistonning tashqi savdo aylanmasi 11 oyda 37,9 milliard dollarga teng boʻldi. Bu haqda Davlat statistika qoʻmitasi maʼlumot berdi.
Unga koʻra, 2021 yilning yanvar-noyabr oylarida Oʻzbekistonning tashqi savdo aylanmasi 37,9 milliard dollarni tashkil etgan.
Shundan eksport ulushi 15,5 milliard dollar boʻlgan. Eksportda mahsulotlar 13,2 milliard, xizmatlar 2,3 milliard dollarlik ulushni egallagan.
Tashqi savdo aylanmasida import 22,4 milliard dollarga yetgan. Importda mahsulotlar 20,9 milliard, xizmatlar 1,5 milliard dollar ulushni tashkil etgan.
Maʼlumot uchun, Oʻzbekistonning tashqi savdo aylanmasidagi eng yuqori koʻrsatkich oktyabr oyida kuzatilib, 4,4 milliard dollarni tashkil etgan.
