Буюк Британияда коронавируснинг янги «омикрон» штамми қайд этилиши сабабли ҳукумат 2021 йилнинг 7 декабридан мамлакатга кириш қоидаларига ўзгартиришлар киритди. Бу ҳақда компания матбуот хизмати хабар берди.
⠀
Маълум қилинишича, мавжуд қоидаларга қуйидаги қўшимчалар киритилган:
- 12 ёшдан ошган барча йўловчилар эмлаш ҳолатидан қатъи назар, Буюк Британияга келишдан камида 48 соат олдин ўтказилган ПЗР-тестининг салбий натижасини тақдим этган тақдирдагина мамлакатга кириши мумкин;
- Буюк Британияга келгандан кейин иккинчи куни ПЗР-тестини қайта топшириш мажбурийдир.
Маълумот ўрнида, Буюк Британияда «омикрон» штамми билан касалланган биринчи бемор 27 ноябрь куни, илк ўлим ҳолати эса 13 декабрь куни қайд этилган. BBC нашрига кўра, мамлакатда вируснинг янги штамми жуда тез тарқалмоқда. 13 декабрь ҳолатига кўра, Буюк Британияда 5 мингга яқин одам ушбу вирусни юқтириб олган.
