Adliya vazirligi Oʻzbekiston Respublikasi banklarida buxgalteriya hisobini yuritish va buxgalteriya ishlarini tashkil qilish tartibi toʻgʻrisidagi yoʻriqnomaga oʻzgartirish va qoʻshimchalarni davlat roʻyxatidan oʻtkazdi.
Unga koʻra, endilikda tijorat banklarida buxgalteriya hisobini yuritish va buxgalteriya ishlarini tashkil qilish qogʻoz bilan birgalikda dasturiy tizim orqali elektron tarzda yuritilishi va rasmiylashtirilishi mumkin boʻladi.
Shuningdek, Markaziy bankning Bank tizimi maʼlumotlar omboriga bank tomonidan uzatiladigan aktiv va majburiyatlar, balansdan tashqari hisobvaraqlar va ular bilan bogʻliq shartnomalarga doir maʼlumotlar roʻyxati tasdiqlandi.
Mazkur maʼlumotlar har bank ish kuni soat 10:00 dan, oylik taqdim etiladigan maʼlumotlar esa keyingi oyning 5-sanasidan kechiktirmagan holda toʻgʻri, toʻliq va oʻz vaqtida uzatilishi belgilandi.
