Yaʼni, endi rahbar lavozimiga daʼvogar shaxs qayerdan kelgani, qaysi “roʻyxat”da ekanidan koʻra, hudud uchun aniq rejasi va nuqtai nazarini himoya qila olish qobiliyatiga qarab baholanadi. Bu, avvalambor, masʼuliyat va ochiqlikni oshiradi.
Kengashning doimiy komissiyasi nomzodlardan jonli suhbatda javob soʻraydi. Ular esa maktabdan tortib ish oʻrinlarigacha aniq yechimlar taklif qilmasa, lavozimga oʻta olmaydi.
Menimcha ham, rahbarni qogʻozda emas, suhbatda tanlash — hokimiyat va jamoatchilik orasidagi ishonchni tiklashda muhim mezon. Bu tizim qolsa, rahbarlik javobgarlik vazifasiga aylanadi.
