Turkiyada Yevropadagi eng yirik gaz ombori ishga tushirildi. Bu haqda Turkiya prezident Rajab Toyyib Erdoʻgʻan yerosti gaz omborini kengaytirish loyihasini yakunlash marosimida maʼlum qildi.
Unga koʻra, Turkiyaning Istanbul shahri yaqinida joylashgan Silivri yerosti gaz ombori sigʻimi 4,6 milliard kub metrga, sutkalik gaz yetkazib berish imkoniyati esa 75 million kub metrga yetkazildi.
“Silivri gaz ombori bugungi kunda Yevropadagi eng katta gaz omboriga aylandi”, — dedi Erdoʻgʻan.
Uning soʻzlariga koʻra, Silivri gaz omborining salohiyati Turkiyaning koʻk yoqilgʻiga boʻlgan yillik ehtiyojining 8 foizini qoplash imkonini beradi. Gaz saqlash inshootining elektr energiyasiga boʻlgan ehtiyojini qondirish uchun oʻrnatilgan quvvati 4,2 MVt boʻlgan shamol turbinasi ham qurildi.
Prezident Turkiyaning energetika konsepsiyasida 2053 yilga borib mamlakatning tashqi manbalarga qaramligini 71 foizdan 13 foizga kamaytirish nazarda tutilgan.
