Yevropa Ittifoqining aksariyat davlatlari Vengriya uchun moʻljallangan ittifoqning muvozanatlashgan rivojlanish jamgʻarmasidan 6,3 milliard yevro miqdoridagi mablagʻlarni muzlatishga kelishib olishdi. Bu haqda Politico xabar berdi.
Dastlab, Yevropa ittifoqi bu pullar Vengriyada poraxoʻrlik avj olishiga taʼsir qilishi mumkinligidan qoʻrqib, 7,5 milliard yevroni muzlatib qoʻyishni rejalashtirgan edi. Budapesht bunga norozilik bildirgan holda, Ittifoqning Ukraina uchun ajratilgan 18 milliard yevrolik yordam paketini bloklagan. Shundan soʻng, Budapeshtning Kiyev uchun yordamga qoʻygan vetosidan voz kechishi evaziga bu miqdor kamaytirildi.
Shu bilan birga, Yevropa Ittifoqi Vengriyaga pandemiyadan keyingi tiklanish uchun 5,8 milliard yevro miqdorida grantlar ajratishga qaror qilgan.
