Markaziy bank maʼlumotlariga koʻra, jami pul massasi noyabr oyida 5,9 trillion soʻmga ortib, 1 dekabr holatiga 177,2 trillion soʻmga yetdi. Bu haqda Markaziy bank xabar berdi.
Maʼlum qilinishicha, milliy valyutadagi boshqa depozitlar qoldigʻi 3,8 trillion soʻmga va chet el valyutasidagi depozitlar qoldigʻi 5,5 trillion soʻmga koʻpaygan. Tor maʼnodagi pul massasi 3,4 trillion soʻmga qisqargan.
Xususan, noyabr oyida naqd pullar 2,4 trillion soʻmga kamayib, muomalaga chiqarilgan naqd pullar qoldigʻi 1 dekabr holatiga 41,3 trillion soʻmni tashkil etgan.
Yil boshiga nisbatan naqd pullar qoldigʻi 12,7 trillion soʻmga koʻpaygani maʼlum qilindi.
