Buxoroda kredit mablagʻlarini talon-toroj qilgan bank xodimi va MCHJ rahbari aniqlandi. Bu haqda Bu haqda Bosh prokuratura huzuridagi Iqtisodiy jinoyatlarga qarshi kurashish departamenti matbuot xizmati xabar berdi.
Qayd etilishicha, “Oʻzsanoatqurilishbank” ATB Buxoro mintaqaviy filialining murojaatiga asosan oʻtkazilgan tergovga qadar tekshiruvda, “B.M” MCHJ rahbari B.A. bank filiali masʼul shaxslari bilan oʻzaro til biriktirib, MCHJga xom ashyo (xom ipak) ishlab chiqarish uchun ajratilgan 3,9 mlrd soʻm kredit mablagʻini boshqa MCHJning kredit qarzdorligini soʻndirish uchun yoʻnaltirib, shartnomada koʻrsatilgan mahsulotlarni xarid qilmasdan, ushbu mablagʻlarni talon-toroj qilganliklari aniqlangan.
Mazkur holat yuzasidan Jinoyat kodeksining 167-moddasi (oʻzlashtirish yoki rastrata yoʻli bilan talon-toroj qilish) bilan jinoyat ishi qoʻzgʻatilib, tergov harakatlari oʻtkazilmoqda.
