Бухорода кредит маблағларини талон-торож қилган банк ходими ва МЧЖ раҳбари аниқланди. Бу ҳақда Бу ҳақда Бош прокуратура ҳузуридаги Иқтисодий жиноятларга қарши курашиш департаменти матбуот хизмати хабар берди.
Қайд этилишича, «O’zsanoatqurilishbank» ATB Бухоро минтақавий филиалининг мурожаатига асосан ўтказилган терговга қадар текширувда, «B.M» МЧЖ раҳбари Б.А. банк филиали масъул шахслари билан ўзаро тил бириктириб, МЧЖга хом ашё (хом ипак) ишлаб чиқариш учун ажратилган 3,9 млрд сўм кредит маблағини бошқа МЧЖнинг кредит қарздорлигини сўндириш учун йўналтириб, шартномада кўрсатилган маҳсулотларни харид қилмасдан, ушбу маблағларни талон-торож қилганликлари аниқланган.
Мазкур ҳолат юзасидан Жиноят кодексининг 167-моддаси (ўзлаштириш ёки растрата йўли билан талон-торож қилиш) билан жиноят иши қўзғатилиб, тергов ҳаракатлари ўтказилмоқда.
