Дунёнинг энг йирик брендлари Twitter’даги рекламаларини тўхтатиб қўйди. Бу ҳақда Finansial Times хабар берди.
Манбада айтилишича, йирик компаниялар Twitter’нинг янги эгаси Илон Маскнинг олиб бораётган иш услубидан норози бўлишган. Оммавий тарзда ишдан бўшатишлар туфайли компаниялар ўз рекламаларини давом эттирмасликка қарор қилган.
Media Matters маълумотларига кўра, 100 та энг яхши реклама берувчилардан 50 нафари Маск ижтимоий тармоқни эгаллаб олганидан кейин харажатларни тўхтатиб қўйган ёки тўхтатиш ниятини эълон қилган. Ушбу 50 та реклама берувчига Тwitter’нинг 2021 йилдаги 5 миллион долларлик даромадининг 317 миллион доллари тўғри келди.
Аввалроқ бир қанча йирик компаниялар Тwitter’да рекламани тўхтатганини эълон қилгани хабар қилинганди. Улар орасида Германиянинг Audi ва Американинг General Motors, Pfizer фармацевтика концерни, Франциянинг косметика ишлаб чиқарувчи Loreal ва бошқалар Тwitter’даги саҳифасини бутунлай олиб ташлади.
