Ўзбекистон Франциядан жами 815,3 миллион еврога 17 та самолёт ва 2 та вертолёт сотиб олади. Бу ҳақда UzA хабар берди.
Қайд этилишича, келишувлар Ўзбекистон делегациясининг Парижга расмий ташрифи доирасида имзоланган.
Хусусан, келишувга мувофиқ 12 та Airbus A320neo ва A321neo ҳамда 5 та ATR 72−600 самолётларини, шунингдек, иккита Airbus H145 вертолётларини харид қилиш режалаштирилган.
Бундан ташқари, Silk Avia авиакомпанияси учун 100 миллион еврога АТР 72-600 самолётлари етказиб бериш бўйича шартнома имзоланган.
