АҚШ собиқ президенти Доналд Трампнинг блокланган Twitter саҳифаси тикланди.
Аввалроқ Twitter ижтимоий тармоқнинг янги раҳбари Илон Маск Трампнинг ўз саҳифасига кириш ҳуқуқини қайтариш ёки қайтармаслик бўйича сўровнома ўтказганди. Овоз беришда 15 миллиондан ортиқ фойдаланувчи иштирок этган. Иштирокчиларнинг 51,8 фоизи аккаунтни қайтариш лозимлигини маълум қилган.
Маълумот учун, Трампнинг аккаунти 2021 йилда блокланган эди. Собиқ президентнинг ўзи ижтимоий тармоққа қайтиш учун «ҳеч қандай сабаб» кўрмаяпман деб таъкидлаган.
