Алишер Усмоновнинг USM Gold компанияси олтин қазиб олишга сармоя киритишда янги лойиҳалар изланишни тўхтатди ва ходимларни ишдан бўшатди. Бу ҳақда RBK хабар берди.
2022 йилнинг август ойида бутун USM холдинг раҳбарлигига Эркўжа Акилбек бош директор этиб тайинланган. USM Gold компаниясида 15 га яқин ходим ишлаган. Яъни, лойиҳа стартап мақомига эга эди. Ҳозирга келиб компания томонидан 2022 йилнинг январь ойида яратилган сайтларнинг ҳеч бири фаол эмас.
Маълум қилинишича, USM Gold жамоаси Россия, Ўзбекистон ва Қозоғистонда олтин қазиб олиш ва геология-разведка лицензиялари бўйича лойиҳаларни кўриб чиққан.
Аммо раҳбарият акциядорларга потенциал қизиқарли активларни тақдим этгандан сўнг, уларни сотиб олмасликка қарор қилинди ва лойиҳа жамоаси ишдан бўшатилган.
