Дунёнинг энг бой одамларидан бири, Амазон асосчиси Жефф Безос бойлигининг катта қисмини хайрия ишларига бериш ниятида эканлигини маълум қилди. Бу ҳақда CNN хабар берди.
Безоснинг таъкидлашича, у хайрия – бу самарасиз ҳаракатлар қилиш хавфи мавжуд бўлган мураккаб соҳа деган хулосага келган. Аммо маблағнинг қайси қисмини ва қайси лойиҳалар учун хайрия қилишини аниқламади.
Бизнесменнинг умумий бойлиги 124 миллиард долларга тенг. Forbes глобал рўйхатида тўртинчи ўринда. 2021 йилги рейтингда у дунёдаги энг бой бизнесмен бўлган эди.
CНН маълумотларига кўра, Безос инвестор Уоррен Баффет ва Microsoft асосчиси Билл Гейтс ташаббуси билан бой одамлар ўз бойликларининг катта қисмини хайрия ишларига йўналтиришга ваъда берган The Giving Pledge’га қўшилмагани учун танқид қилинган эди.
Шунингдек, Безос иқлим ўзгаришига қарши курашиш учун ўзининг Bezos Earth Fund жамғармасига 10 йил давомида 10 миллиард доллар ажратишга ваъда берган.
