Марғилон шаҳрида «Aтлас байрами» V халқаро анъанавий тўқимачилик фестивали бўлиб ўтгани хабар қилинганди. Уч кун давом этган байрам 50 га яқин тадбирларни ўз ичига олди. Унда иштирок этган «Kommers.uz» мухбири жараёндан фоторепортаж тайёрлади.
Фарғона вилояти ҳокими Хайрулло Бозоров 20 октябрь куни расман старт олган фестивални очиб берди. Шундан сўнг очилиш маросими доирасида Марғилон шаҳрига «Жаҳон ҳунармандлари шаҳри» мақоми берилди. Бугунги кунда дунёнинг 4 та қитъасидан 57 та шаҳар бундай эътирофга сазовор бўлган.
Фото: «Bugun.uz»
Фото: «Bugun.uz»
Тадбирда UNESCO’нинг Ўзбекистондаги ваколатхонаси раҳбари Сара Ношади ҳам сўзга чиқиб, фестиваль анъанавий ўзбек тўқимачилик маҳсулотларини ишлаб чиқариш бўйича «ноу-хау»ни оммалаштириш орқали номоддий маданий меросни асраб-авайлашга ҳисса қўшишини таъкидлади.
Фото: «Bugun.uz»
Фестиваль доирасида Қозоғистон, Қирғизистон, Тожикистон, Малайзия, Ҳиндистон, Туркия, Таиланд, Бангладеш, Индонезия, АҚШ, Латвия, Мўғулистон, Италия каби давлатлардан келган ҳунарманд, дизайнер ва мутахассисларнинг кўргазмалари намойиш этилди.
Фото: «Bugun.uz»
Фото: «Bugun.uz»
Фото: «Bugun.uz»
Фото: «Bugun.uz»
Фото: «Bugun.uz»
Фото: «Bugun.uz»
Фото: «Bugun.uz»
Шунингдек, анъанавий мато тўқимачилиги бўйича Марғилондаги «Ёдгорлик» корхонасида мастер-класс ташкил қилиниб, пилладан тортиб, мато тайёрлашгача бўлган жараён намойиш қилинди. Корхона ходимларининг сўзларига кўра, бир жойнинг ўзида пилладан тола олиб, атлас тўқилиб, тайёр маҳсулот корхонага қарашли дўконларда сотувга чиқарилади.
Фото: «Bugun.uz»
Фото: «Bugun.uz»
Фото: «Bugun.uz»
Фото: «Bugun.uz»
Фото: «Bugun.uz»
Фото: «Bugun.uz»
Фестивалнинг иккинчи кунида Европа ва Тинч океани ҳамда Марказий Осиё мамлакатларидан келган ўндан ортиқ дизайнерларнинг либослари намойиш қилинди. Бу эса ўз навбатида турли қитъа вакилларининг бир-биридан мато ва дизайн бўйича билим ва кўникма олишига имкон яратди.
Фото: «Bugun.uz»
Фото: «Bugun.uz»
Фото: «Bugun.uz»
Фото: «Bugun.uz»
Фото: «Bugun.uz»
Фото: «Bugun.uz»
Бундан ташқари қатор ҳунарманд ва дизайнерлар томонидан «Замонавий дунёда анъанавий тўқимачиликнинг ўрни» мавзусида халқаро илмий-амалий анжуман ҳам бўлиб ўтди. Унда анъанавий матоларни тайёрлаш ҳамда «Икат» маҳсулотларини ишлаб чиқариш ва экспорт қилиш масалалари муҳокама қилинди.
Фото: «Bugun.uz»
Фото: «Bugun.uz»
Шунингдек, Марғилонга «Жаҳон ҳунармандлари шаҳри» мақоми берилиши муносабати билан бутун дунёдан келган (Қозоғистон, Қирғизистон, Тожикистон, Малайзия, Ҳиндистон, Туркия, Таиланд, Бангладеш, Индонезия, АҚШ, Латвия, Мўғулистон, Италия) делегация аъзолари дўстлик рамзи сифатида Эркин Воҳидов номидаги истироҳат боғига дарахт кўчатларини экди.
Фото: «Bugun.uz»
Фото: «Bugun.uz»
Фото: «Bugun.uz»
Фестиваль доирасида Марғилон тарихи музейида «Буюк ипак йўли ворислари» анъанавий тўқимачилик кўргазмасининг расмий очилиш маросими бўлиб ўтди. Унда UNESCO’нинг Ўзбекистондаги ваколатхонаси раҳбари Сара Ношади сўзга чиқиб, кўргазма очилиши билан бутун Марғилон халқини табриклади.
