Oʻzbekistonning 9 oydagi tashqi savdo aylanmasi hajmi 36 milliard dollarga teng boʻldi. Bu haqda Statistika qoʻmitasi axborot xizmati xabar berdi.
Maʼlum boʻlishicha, 2022 yilning yanvar–sentyabr oylarida Oʻzbekistonning tashqi savdo aylanmasi hajmi 36 milliard dollarga teng boʻlgan. Koʻrsatkich 2021 yilning mos davri bilan solishtirilganda qariyb 7,7 milliard dollarga oshgan. Shundan:
Eksport — 14,1 milliard dollar:
- mahsulotlar — 11,3 milliard dollar;
- xizmatlar — 2,8 milliard dollarga yetgan.
Shuningdek, 9 oydagi tashqi savdo aylanmasida import 21,9 milliard dollarga yetgan. Bunda:
- mahsulotlar — 20,1 milliard dollar;
- xizmatlar — 1,8 milliard dollarga yetgan.
Qayd etilishicha, 2022 yilning oʻtgan 9 oyida Oʻzbekiston eng koʻp Rossiyaga mahsulot eksport qilgan. Quyida mamlakat eksportida yuqori ulushga ega davlatdar roʻyxati keltirilgan:
- Rossiya – 2 163,5 million;
- Xitoy – 2 020,3 million;
- Turkiya – 1 197,9 million;
- Qozogʻiston – 1 012,8 million;
- Qirgʻiziston – 683,4 million;
- Afgʻoniston – 514,4 million;
- Tojikiston – 352,6 million;
- Kanada – 160,5 million;
- Turkmaniston – 154,1 million;
- Eron – 113,8 million AQSH dollari.
