Давлат Солиқ қўмитасининг маълум қилишича, 2022 йил 1 октябрь ҳолати бўйича уй-жой ижараси бўйича 96 мингдан ортиқ расмий битим рўйхатга олинган.
Маълумотларга кўра, Тошкент шаҳрида уй-жой ижарасининг ўртача ойлик нархи 1 миллион сўмдан кўпроқни ташкил қилади. Республикада ижара ҳақининг ўртача миқдори 630 минг сўмдан 977 минг сўмгачани ташкил этган.
Шунингдек, ҳудудларда ижарага берилган турар-жой объектларининг сони:
• 2 миллион сўмдан 5 миллион сўмгача – 3 240 та;
• 5 миллион сўмдан ортиқ – 255 тани ташкил қилган.
Маълумот учун солиқ солиш мақсадида 2022 йилда кўчмас мулкни ижарага берувчи жисмоний шахслар учун 1 квадрат метр яшаш майдони:
• Тошкент шаҳрида – 15 500 сўм;
• Нукус ва вилоят марказларида – 9 500 сўм;
• бошқа аҳоли пунктларида эса 4 000 сўм этиб белгиланган.
Аввалроқ Тошкентда россияликлар туфайли бир-икки хонали уйларнинг ижара нархи 1 500 долларгача кўтарилгани ҳақида хабар қилинганди.
