Хитойнинг TikTok компианияси Қозоғистонда ўз офисини очади. Бу ҳақда компания вице-президенти Тео Бертрам маълум қилди, дея хабар бермоқда «Sputnik Казахстан».
Тео Бертрамнинг сўзларига кўра, корпорацияда маҳаллий блоггерлар қилаётган ишлар ҳамда Қозоғистон ижобий таасурот қолдирган.
«Бу ерда контентнинг ажойиб сифати бор. Биз Қозоғистон бутун минтақа учун марказ бўлишини истаймиз. Бизнинг компаниямиз турли дастурларга эга. Масалан, туризмда, бу ерда гўзал табиат бор ва биз бу ҳақда янада кўпроқ маълумот беришга ёрдам беришга тайёрмиз. Шунингдек, миллий таомлар, анъаналар, гўзал жойлар – одамлар ҳамма нарсага қизиқишади», — деди Бертрам.
Эслатиб ўтамиз, аввалроқ Ўзбекистонда TikTok’ни блокдан чиқариш учун музоларалар ўтказилайитгани ҳақида хабар берилганди.
