Janubiy Koreyaning Samsung kompaniyasi taʼmirlangan smartfonlarni sotishni boshlaydi. Bu haqda “Lenta.ru” xabar berdi.
Samsung vakillarining maʼlum qilishicha, kompaniya 2022 yil va undan oldin chiqarilgan Galaxy S22 smartfonlari va boshqa qurilmalar sotuvini yoʻlga qoʻyish niyatida. Koreya texnologiya giganti hozirda bir necha yil avval yangilangan telefonlarni sotmoqda.
Qayd etilishicha, Samsung hozirda Buyuk Britaniyada yangilangan Galaxy S20 va Galaxy Note 20, AQSHda S21 va Galaxy S10 smartfonlarini sotmoqda. Yaqin yillarda kompaniya yangilangan Galaxy S22 seriyali qurilmalari va boshqa gadjetlarni sotuvga chiqarishni rejalashtirmoqda.
Xabarda aytilishicha, qayta tiklangan qurilmalar – bu taʼmirlangan va qayta sotish uchun chiqarilgan ishlatiladigan gadjetlar. Taʼmirlangan smartfonlar ham kafolat hujjatlariga ega boʻladi va ularga ham xizmat koʻrsatiladi.
