Американинг Apple lnc компанияси талабнинг пастлиги сабабли янги iPhone 14 моделларини ишлаб чиқаришни кўпайтириш режаларидан воз кечди, дея хабар берди «Reuters».
Таъкидланишича, компания етказиб берувчиларга жорий йилнинг иккинчи ярмида iPhone 14 ишлаб чиқаришни 6 миллионга ошириш ниятида эмаслигини айтган. Бироқ, штаб-квартираси Калифорниянинг Cупертино шаҳрида жойлашган компания ушбу давр учун 90 миллион дона телефон ишлаб чиқаришни ўз олдига мақсад қилиб қўйган. Бу ўтган йилги кўрсаткич билан солиштирганда деярли бир хил ва Apple компаниясининг шу ёздаги дастлабки прогнозларига мос келади, дейилади хабарда.
