Oʻzbekistonning tashqi savdo aylanmasi yanvar-may oylarida 20,5 milliard dollarga teng boʻldi. Bu haqda Davlat statistika qoʻmitasi xabar berdi.
Maʼlumotlarga koʻra, 2022 yilning yanvar-may oylarida Oʻzbekistonning tashqi savdo aylanmasi 20,5 milliard dollarga teng boʻlgan. Ushbu koʻrsatkich 2021 yilning mos davri bilan solishtirilganda 5,6 milliard dollarga oshgan.
Tashqi savdo aylanmasi — 20,5 milliard dollar:
Eksport — 8,3 milliard dollar:
- mahsulotlar — 7,2 milliard dollar;
- xizmatlar — 1,1 milliard dollar.
Import — 12,2 milliard dollar:
- mahsulotlar — 11,2 milliard dollar;
- xizmatlar — 930 million dollar.
Eslatib oʻtamiz, 2022 yil 1 iyundan quyidagilarni Oʻzbekistondan tashqariga olib chiqish (eksport qilish) vaqtinchalik taqiqlandi:
- oʻsimlik yogʻi, shu jumladan paxta, kungaboqar yogʻi;
- kungaboqar urugʻlari hamda boshqa yogʻ oʻsimliklarining urugʻlari va mevalari.
Shuningdek, 2022 yil 1 maydan 2023 yil 1 yanvargacha bir qator tovarlarni (jumladan, baliq, yangi yoki quritilgan sitrus mevalari (limondan tashqari), margarin va boshqa) olib kirishda bojxona bojlarining nol stavkalari belgilandi.
