Oʻzbekistonga uch oyda 46,3 million dollarlik qoramol goʻshti import qilindi. Bu haqda Davlat statistika qoʻmitasi maʼlumot berdi.
Unga koʻra, 2022 yilning yanvar-mart oylarida Oʻzbekistonga 9 ta davlatdan qiymati 46,3 million dollarga teng boʻlgan 10,4 ming tonna qoramol goʻshti import qilingan.
Qoramol goʻshti importi 2021 yilning mos davri bilan solishtirilganda 4,6 ming tonnaga oshgan.
2022 yilning 3 oyida Oʻzbekiston eng koʻp qoramol goʻshtini import qilgan davlatlar:
- Belarus — 6,3 ming tonna;
- Qozogʻiston — 2,6 ming tonna;
- Braziliya — 571 tonna;
- Ukraina — 437,5 tonna.
Maʼlumot uchun, Oʻzbekiston 2022 yil 14,5 million bosh qoramol yetishtirmoqchi. Bu haqda 2022–2026 yillarga moʻljallangan taraqqiyot strategiyasini 2022 yilda amalga oshirish boʻyicha “yoʻl xaritasi” loyihasida belgilab qoʻyilgan.
