Ўзбекистонга уч ойда 46,3 миллион долларлик қорамол гўшти импорт қилинди. Бу ҳақда Давлат статистика қўмитаси маълумот берди.
Унга кўра, 2022 йилнинг январь-март ойларида Ўзбекистонга 9 та давлатдан қиймати 46,3 миллион долларга тенг бўлган 10,4 минг тонна қорамол гўшти импорт қилинган.
Қорамол гўшти импорти 2021 йилнинг мос даври билан солиштирилганда 4,6 минг тоннага ошган.
2022 йилнинг 3 ойида Ўзбекистон энг кўп қорамол гўштини импорт қилган давлатлар:
- Беларусь — 6,3 минг тонна;
- Қозоғистон — 2,6 минг тонна;
- Бразилия — 571 тонна;
- Украина — 437,5 тонна.
Маълумот учун, Ўзбекистон 2022 йил 14,5 миллион бош қорамол етиштирмоқчи. Бу ҳақда 2022–2026 йилларга мўлжалланган тараққиёт стратегиясини 2022 йилда амалга ошириш бўйича «йўл харитаси» лойиҳасида белгилаб қўйилган.
