Oʻzbekistonda Janubiy Koreya poytaxti — Seul shahriga parvozlar soni oshiriladi. Bu haqda Uzbekistan Airways matbuot xizmati xabar berdi.
Qayd etilishicha, Uzbekistan Airways Toshkent–Seul–Toshkent xalqaro yoʻnalishi boʻyicha aviaqatnovlar sonini oshiradi. Ayni paytda aviaqatnovlar payshanba va yakshanba kunlari amalga oshirilmoqda. 2022 yilning may oyidan boshlab esa seshanba kunlari ham amalga parvozlar yoʻlga qoʻyiladi.
Taʼkidlanishicha, Janubiy Koreyaga kirish uchun yoʻlovchilar PZR-testining salbiy natijasini (amal qilish muddati 48 soat) taqdim etishi kerak.
Aviachiptalarni kompaniya rasmiy sayti, Uzbekistan Airways Sales filiali va aviakompaniyaning agentlaridan xarid qilish mumkin.
Avvalroq Uzbekistan Airwaysʻdagi 51 foizdan koʻproq davlat ulushi savdoga chiqarilishi haqida xabar berilgandi.
