Ўзбекистонга сўнгги икки ойда хорижий давлатлардан 5948 та енгил автомобиль олиб келинди. Бу ҳақда Давлат статистика қўмитаси матбуот хизмати хабар берди.
Маълумотларга кўра, 2022 йилнинг январь-февраль ойларида Ўзбекистон 18 та хорижий давлатдан қиймати 124,5 миллион долларга тенг бўлган 5948 та енгил автомобиль импорт қилган.
Таъкидланишича, енгил автомобиль импорти 2021 йилнинг мос даври билан солиштирилганда 4873 тага ёки қарийб 6 бараварга ошган. Февраль ойида импорт қилинган енгил автомобиллар сони 2911 тани ташкил этган.
Аввалроқ Ўзбекистон энг кўп электромобиль импорт қилаётган 6 та давлат хабар қилинганди. Шунингдек, Ўзбекистонда икки ойда қайси автомобиль энг кўп ишлаб чиқарилгани ҳақида хабар берилди.
