Oʻzbekistonda “Xalq banki” va yana beshta bankning aksiyalari fond birjasi orqali ommaviy joylashtiriladi. Prezidentning “Iqtisodiyotda davlat ishtirokini yanada qisqartirish va xususiylashtirishni jadallashtirishga oid qoʻshimcha chora-tadbirlar toʻgʻrisida”gi qarori qabul qilindi.
Qarorga koʻra, 2023 yil 1 iyulga qadar “Xalq banki”, “Mikrokreditbank”, “Aloqabank”, “Agro bank”, “Oʻzmilliybank”larning aksiyalarini fond birjasi orqali ommaviy joylashtirish (IPO) ishlari tashkillashtiriladi.
Shuningdek, 2022 yil 1 oktyabrga qadar “Qishloq qurilish bank”ning aksiyalarini ham ommaviy joylashtirish (IPO) taʼminlanadi.
Mazkur bandda belgilangan vazifalarning ijrosini sifatli va oʻz muddatida taʼminlashga tegishli tijorat banklarining boshqaruv raislari shaxsan masʼul hisoblanadi.
